पोखरा, १२ असार ।
कास्की जिल्लाकोे चापाकोट गाँउ विकास समिति वडा नम्वर २ मार्सीका २० वर्षिय खेम गुरुङका दुई मृगौला फेल भएको कारण उपचारको लागि सहयोग गर्न परिवारजनले आग्रह गरेको छ ।
लामो समयदेखि विरामी परेका गुरुङलाई थप उपचारका लागि भारत लैजानुपर्ने र रकम अभाव भएको कारण सहयोगको लागि आग्रह गरिएको वावु फवेन्द्र गुरुङले बताउनुभयो ।
गुरुङको पोखराको मणिपाल शिक्षण अस्पतालमा अहिलेसम्म ७ पटक डाइलोसिस गराईसकिएको परिवारले बताएको छ । पोखराको मणिपाल शिक्षण अस्पतालमा उपचार सम्वभ नभएको कारण गुरुड्डलाई भारत रिफर गरिएको अस्पतालले जानकारी दिएको छ ।
डाइलोसिस भन्दा पनि किडनी नै परिबर्तन गरिनुपर्ने चिकित्सकहरुले सल्लाह दिएतापनि रकम अभाबले गुरुङ परिवारको बिच्चली भएको छ । निम्न परिवारका कारण कमजोर आर्थिक अवस्था भएकाले छोराको उपचार गर्न सवैसँग आर्थिक सहयोगका लागि अपिल गरेको वावु फबेन्द्र गुरुड्डले बताउनुभयो ।
साथै मृगौला पीडित गुरुड्डको उपचारका लागि पोखराको सिटी डेभलपमेन्ट वैंकमा ००१००००३२११एच नम्वरको खाता समेत खोलिएको छ । विरामी गुरुड्डको उपचारको लागि यस खातामा जो कसैले पनि रकम जम्मा गरी सहयोग गर्न सक्नुहुने खेम गुरुड्ड मृगौला पीडित सहयोग समितिले जनाएको छ ।
